Back ايسمايل مارزوكى ARZ İsmayıl Marzuki Azerbaijani Ismail Marzuki BAN Ismail Marzuki English Ismail Marzuki Spanish Ismail Marzuki GOR Ismail Marzuki ID イスマイル・マルズキ Japanese Ismail Marzuki JV Ismail Marzuki MAD
Ismail Marzuki (hurup Arab Gundul: اسماعيل مرزوقى) atawa sebenernya Ismail bin Marjuki (hurup Arab Gundul: اسماعيل بن مرزوقى) atawa Bang Ma'ing (hurup Arab Gundul: بڠ مائيڠ) (idup: 11 Méi 1914 – 25 Méi 1958) ada atu penulis èn tukang bikin gending asal Betawi nyang jadi pahlawan Indonésia. Dia ada banyak bikin tembang-tembang perjoangan Indonésia, kaya' Rayuan Pulau Kelapa, Selamat Datang Pahlawan Muda, Halo-Halo Bandung, ama Gugur Bunga. Sengga'nya entu nyang populèr di kalangan masarakat. Selaèn entu, dia juga' ada bikin tembang-tembang nyang bukan lagu perjoangan, kaya' Hari Lebaran, hata pernah nerjemahin atu lagu deri Rus ke dalem basa Sunda, ya'entu Panon Hideung (artinya: 'Mata Item'; basa Rus: Очи чёрные Oči čërnye). Dia punya nama sekarang dijadiin nama atu gedong kesenian nama Taman Ismail Marzuki di bilangan Cikini, Jakarta Sintrem.